整全教育治療顧問│幼兒‧學童‧家長‧長者‧照顧者
10 年經驗，以家庭為本，陪你由幼兒到長者，一步步講得清、食得穩、活得更自信
我係梁家菁 Sharon LEUNG，創路社生命啟航有限公司培訓總監，香港衛生署註冊言語治療師及認可應用行為分析認證委員會（QABA）行為分析師。持教育言語及語言病理學暨學習障礙理學碩士，以及社會科學（輔導及心理學）榮譽學士，10 年來以言語治療同行為分析，陪伴由幼兒、學童、家長到長者嘅每個家庭。
由言語表達、社交溝通，到情緒行為同認知能力，我相信每個人都有自己嘅步伐，只要用啱方法，就能夠喺學校、家庭同社區自在生活、自信成長。
除咗一對一治療，我亦提供到校服務、家長及照顧者教育，同埋老師同治療助理嘅培訓；亦為中風、認知障礙症等長者提供吞嚥、口肌及溝通障礙訓練，等身邊每一位照顧者都有信心、有方法陪住家人成長變老。
多項本地及國際認證，橫跨言語治療、行為分析、口肌吞嚥同照顧者培訓，成就整全嘅專業裝備。
由學生本人到家長、老師，我提供一套完整、貼地嘅支援方案。
曾合作學校（30+ 間中小學）：
裝備老師課堂上處理特殊需要學生嘅實戰方法，減輕教學壓力。曾於香港耀能協會、香港聖公會、救世軍等機構擔任督導工作。
培訓言語治療助理、復康助理，建立更多專業人手支援有需要嘅小朋友。
我哋提倡整全發展概念，從四大核心範疇了解學生成長需要，度身訂造訓練方案。
身體協調 Coordination、力量 Strength、心肺功能 Aerobic
邏輯思考 Logic、語言能力 Language、藝術 Artistic
解難 Problem Solving、情緒管理 Emotion、逆境智商 Adverse Q
自我認識 Self-understand、溝通協作 Communication、領導能力 Leadership
了解更多培訓框架：exploreyourhorizons.net/trainings
由幼兒到長者，無論你係學生本人、家長老師，定係照顧長者嘅家人，都可以喺呢度搵到整全嘅支援。
提升言語、社交、認知能力，幫助小朋友喺主流學校自在學習、融入生活。
提供具體、實用嘅技巧，處理情緒行為問題，兼顧學習需要，提升小朋友動機同信心。
為中風、認知障礙症等長者提供吞嚥及口肌訓練、溝通障礙訓練，並教授照顧者實用嘅餵食同溝通技巧。
歡迎聯絡 Sharon，一齊為小朋友揾到最啱嘅支援方案。